मनोरञ्जन १६ श्रावण २०८०

रेखाको ‘उपहार’मा मिस्टर नेपाल समर्पणको इन्ट्री

काठमाडौँ । ‘मिस्टर नेपाल २०२३’ विजेता समर्पण कार्की फिल्मको हिरोको रूपमा देखिने भएका छन् । ज्ञानेन्द्र देउजाको निर्देशन रहने फिल्म ‘उपहार’मा उनी हिरोको रूपमा देखिने भएका हुन् । 

समर्पण पेसाले पाइलट हुन् । केही दिन अगाडि राजधानीमा आयोजित ‘मिस्टर नेपाल २०२३’को उपाधि उनले हात परेका थिए । फिल्ममा उनी अभिनेत्री पूजाको जोडीको रूपमा देखिनेछन् । 

फिल्ममा समर्पण र पूजाको अलावा अभिनेत्री रेखा थापा र मुकुन भुसालको पनि मुख्य भूमिका रहनेछ । रेखा र मुकुन फिल्ममा जोडीको रूपमा देखिनेछन् ।

रेखा थापाले निर्माण गर्न लागेको फिल्मको भदौबाट छायाङ्कन सुरु हुँदैछ । प्रेमकथामा बन्न लागेको फिल्ममा अर्जुन पोखरेलको सङ्गीत, विष्णु कल्पितको छायाङ्कन रहनेछ ।