नेपाल मलेसियासँग पराजित, शृङ्खला बराबर
क्वाललम्पुर । नेपाली महिला क्रिकेट टोली मलेसियासँग ४ विकेटले पराजित भएको छ । पराजयसँगै दुई देशीय टी–२० शृङ्खला २–२ को बराबरीमा पुगेको हो ।
नेपालले प्रस्तुत गरेको ९७ रनको लक्ष्य मलेसियाले ६ विकेटको क्षतिमा पछ्यायो । मलेसियाका लागि विनीफ्रेड डुरासिंगमले सर्वाधिक ३८ तथा माहिरा इजाती इस्माइलले १६ रनको योगदान दिइन् ।
यसअघि डुरासिंगमले ३ विकेट लिँदा नेपालले २० ओभरमा ७ विकेटको क्षतिमा ९६ रन बनाउन सकेको थियो । नेपालका लागि इन्दु वर्माले ३२ तथा विन्दु रावलले २४ रन बनाइन् ।
