दमक / पुरुषोत्तम कट्टेललाई दक्षिण एसियाली फुटबल महासङ्घ (साफ)को कार्यकारी समितिले महासचिवमा नियुक्त गरेको छ ।
कट्टेलले सन् २०२५ अप्रिल १ देखि आफ्नो कार्यभार सम्हाल्नेछन् ।
उनि यस अघि एसियन फुटबल कन्फेडरेसन (एएफसी)मा दक्षिण एसियाली युनिटका प्रमुखका रूपमा १७ वर्ष कार्यरत थिए ।
महासचिवमा नियुक्त भएपछी उनले यस्ताे भनेका छन्।“म साफको महासचिवका रूपमा नियुक्त हुन पाउँदा निकै उत्साहित छु । यो मेरो लागि ठूलो अवसर मात्र नभई चुनौती पनि हो । मैले फुटबलमा आफ्नो करियर सुरु गरेदेखि नै दक्षिण एसियालाई नजिकबाट अवलोकन गरिरहेको छु । यो क्षेत्र चुनौतीपूर्ण भए पनि विकासोन्मुख छ, जहाँ थुप्रै अवसरहरू छन्, र मलाई लाग्छ यस क्षेत्रको भविष्य उज्ज्वल छ,”
फेरि उनले भने, “म महासङ्घका अध्यक्ष काजी सालाहुद्दीन तथा कार्यकारी समितिका सदस्यहरूलाई ममाथि विश्वास राखी यो भूमिका प्रदान गरेकोमा धन्यवाद दिन चाहन्छु । साथै, दक्षिण एसियाली फुटबलमा उत्कृष्ट योगदान पुर्याउनु भएका अनवारुल हकलाई विशेष धन्यवाद दिन चाहन्छु । उनको सेवा एकदमै प्रशंसनीय छ ।”
कट्टेलले फुटबल प्रशासनमा लामो अनुभव बोकेका छन् । अन्तर्राष्ट्रिय सम्बन्ध व्यवस्थापकको रूपमा शासन व्यवस्थासम्बन्धी कार्य सम्हाल्नेदेखि लिएर एसियाभर विभिन्न प्रतियोगिताहरू व्यवस्थापन गर्ने सम्मको उनको अनुभव फुटबलप्रति उनको लगाव दर्शाउँछ ।
