मुख्य समाचार
आजको मौसम : देशको पूर्वी भूभागमा मनसुनी प्रणालीको प्रभाव | आईसीसी टी–२० अलराउन्डर वरीयतामा दीपेन्द्रको छलाङ | किम जोङ उनले गरे युक्रेनमा रुसी आक्रमणको समर्थन | पुटिनको उत्तर कोरिया भ्रमणबारे के भन्छ चीन ? | सुदूरपश्चिममा डेंगु सङ्क्रमित बढ्दै | छाउगोठमा बसेकी एक किशोरीमाथि बलात्कार गरेको आरोपमा एक जना पक्राउ | कवाडी व्यवसायीलाई सांसद सिंहले भने- फोहोर काठमाडौं महानगर र बालेनको घरअगाडि थुपारौं | करेन्ट लागेर एक जनाकाे मृत्यु | प्रेममा परेकी हुन् अभिनेत्री श्रद्धा ? | जेलमा रहेको लरेन्स बिश्नोईले पाकिस्तानी ग्याङ्गस्टरलाई इदको बधाई दिएपछि भारतमा हङ्गामा |
मुख्य समाचार
आजको मौसम : देशको पूर्वी भूभागमा मनसुनी प्रणालीको प्रभाव | आईसीसी टी–२० अलराउन्डर वरीयतामा दीपेन्द्रको छलाङ | किम जोङ उनले गरे युक्रेनमा रुसी आक्रमणको समर्थन | पुटिनको उत्तर कोरिया भ्रमणबारे के भन्छ चीन ? | सुदूरपश्चिममा डेंगु सङ्क्रमित बढ्दै | छाउगोठमा बसेकी एक किशोरीमाथि बलात्कार गरेको आरोपमा एक जना पक्राउ | कवाडी व्यवसायीलाई सांसद सिंहले भने- फोहोर काठमाडौं महानगर र बालेनको घरअगाडि थुपारौं | करेन्ट लागेर एक जनाकाे मृत्यु | प्रेममा परेकी हुन् अभिनेत्री श्रद्धा ? | जेलमा रहेको लरेन्स बिश्नोईले पाकिस्तानी ग्याङ्गस्टरलाई इदको बधाई दिएपछि भारतमा हङ्गामा |

मनोरञ्जन २४ जेठ २०८१
'मोदीबेनी' ले फिल्मको कथामा आधारित रहेर ल्यायो फर्स्टलुक पोस्टर

ओमकार टाइम्स

अभिनेत्री वर्षा शिवाकोटी र अभिनेता अमर प्रताप श्रेष्ठलाई प्रस्तुत गर्दै फिल्म 'मोदीबेनी' का दुई पोस्टर सार्वजनिक गरिएको छ।  एउटामा वर्षालाई रहस्यमय अवतारमा देखाइएको छ। उनी कुनै पहाडी इलाकामा उभिएकी छन्। 

अर्को पोस्टरमा यसै फिल्मबाट डेब्यु गरेका अमरलाई 'एंग्री योङ म्यान' को रूपमा देखाइएको छ। उनी पनि कुनै पहाडी इलाकामा हातमा बाँसको लट्ठी समाएर रिसाहा भावमा उभिएका छन्। 

फिल्ममा अमर र वर्षाले जोडीको रूपमा अभिनय गरे पनि पोस्टर भने अलग-अलग सार्वजनिक गरिएको हो। 

'मोदीबेनी' का निर्देशक शंकर कोइरालाले फिल्मको कथामा आधारित रहेर पोस्टर तयार पारिएको बताए। उनले अभिनेता अमर एक्सन प्रधान भूमिकामा रहेको जानकारी दिए। 

पर्वत जिल्लाको मोदीबेनी क्षेत्रमा घटेको अविश्वसनीय घटनामा आधारित रहेर बनेको यो फिल्मको कथामा त्यहाँको मात्र कथा नभई नेपालको जुनसुकै स्थानमा पनि त्यस्ता घटनाहरू भइरहेको पाइने उनले बताए। 

सार्वजनिक पोस्टरलाई रोयल भीमसेनले डिजाइन गरेका हुन्। 

फिल्ममा अमर र वर्षासहित रेजिना उप्रेती, प्रवीण खतिवडा, सरोज खनाल, दिलीप केसी, कमलमणि नेपाल, जीवन भट्टराई, सरोज अर्याल, अनामिका लामिछाने, स्नेहा भट्टराई, लाबिस लगायतको अभिनय छ। 

डिनेस्ट इन्टरटेनमेन्टको प्रस्तुतिमा बनेको फिल्मलाई आनन्द बिक्रम क्षेत्रीले लेखेका छन्। यसमा दिलीप के.सी. निर्माता र हरि श्रेष्ठ सह–निर्माता रहेका छन्। 

उत्सव दाहालको डिओपी, भरत रेग्मीको सम्पादन रहेको फिल्मलाई रिच इन्टरटेन्मेन्टले काठमाडौं उपत्यका र एफडी कम्पनीले उपत्यकाबाहिर वितरण गर्नेछन्। 

फिल्म साउन १८ गते रिलिज हुनेछ।


प्रतिक्रिया

सम्बन्धित समाचार