सत्तारुढ गठबन्धनको बैठक आज बस्दै छ। चुनावको समीक्षा गर्न गठबन्धनको बैठक प्रधानमन्त्रीको सरकारी निवास बालुवाटारमा बस्न लागेको हो । आइतबार नेकपा (माओवादी केन्द्र)को पदाधिकारीको बैठकपछि सञ्चारकर्मीसँग कुरा गर्दै महासचिव देवप्रसाद गुरुङले सोमबार सत्तारूढ गठबन्धनको बैठक बोलाइएको जानकारी दिए।>
बैठकमा निर्वाचनको समग्र अवस्थाका बारेमा समीक्षा हुने बताइएको छ। सत्ता गठबन्धनमा आवद्ध नेपाली कांग्रेस, नेकपा माओवादी केन्द्र, एकीकृत समाजवादी, राष्ट्रिय जनमोर्चा र लोकतान्त्रिक समाजवादी पार्टी तालमेल गरेर चुनावमा गएका थिए।>
मंसिर ४ गते सम्पन्न निर्वाचनमा कांग्रेसले ५७ स्थानमा जीत निकालेको छ। माओवादी १७ स्थानमा विजयी भएको छ। नेकपा एकीकृत समाजवादीले १० स्थानमा जीत निकाल्दा लोकतान्त्रिक समाजवादी पार्टीले ४, राष्ट्रिय जनमोर्चा १ स्थानमा विजयी भएको छ।>>