दमक / हिजो सोमबार दमक न.पा .- ६ नमुना मार्गमा २७ वर्षीय सोनु अहमतमाथि छुरा प्रहार भएको छ। सोनुमाथि धरान उपमहानगरपालिका-३ बस्ने २९ वर्षीय एजात अहमतले छुरा प्रहार गरेको जिल्ला प्रहरी कार्यालय झापाका डिएसपी कृष्ण चन्दले जानकारी दिएका छन् ।
डिएसपी चन्दका अनुसार लेनदेनको विषयलाई लिएर वादविवाद हुँदा पेटमा छुरा प्रहार गरी घाइते बनाएका थिए।
छुरा प्रहारपछि एजात प्रदेश न.१-०२-०४५ प ६३१९ नम्बरको स्कुटर लिएर भागेका थिए। तर एजात अहमत दमक-६ गणतन्त्र चोकमा पुगेपछि अनियन्त्रित भएर दुर्घटनामा परेका थिए।
घाइते भएका सोनु अहमतको उपचारको लागि दमकको लाइफलाइन अस्पताल लगिएको थियो। लाइफलाइनबाट बिएन्डसी अस्पताल बिर्तामोड पुर्याएर त्यस पछि फेरी धरान घोपा पठाइएको थियो।एजातको बायाँ खुट्टामा चोट लागेको छ र एजात दमकको निम्स अस्पतालमा उपचाररत छन्। उनलाई प्रहरीले निगरानीमा राखेको छ।
