अमेरिकामा शक्तिशाली भूकम्प गएको छ।
क्यालिफोर्निया राज्यको फेर्नडेल सहरलाई केन्द्रबिन्दु बनाएर स्थानीय समयअनुसार बिहीबार बिहान १०:४४ बजे ७ म्याग्नेच्युडको भूकम्प गएको हो।
भूकम्पबाट मानवीय र भौतिक क्षति भएको विवरण नआएको समाचार संस्था एशोसियटेड प्रेसले उल्लेख गरेको छ। पसल र मार्टहरूमा भने सामानहरू छरपस्ट भएका थिए।
क्षति नभएपनि त्यहाँका नागरिकहरूले धेरै सेकन्डसम्म जमिन हल्लिएको महशुस गरेका थिए भनेर एपीले लेखेको छ।
७.१ म्याग्नेच्युडको भूकम्पपछि स-साना कम्पनहरू गएका थिए।
बिहीबारको भूकम्पलाई सन् २०१९ पछिकै शक्तिशाली भनिएको छ। त्यतिबेला ७.१ म्याग्नेच्युडको भूकम्प गएको थियो।
भूकम्पपछि फर्नडेलको तटीय क्षेत्रमा सुनामीको चेतावनी दिइएको थियो।
