समाचार २९ जेठ २०८१
यी हुन् अमेरिकामा सबैभन्दा धेरै पटक पक्राउ परेका व्यक्ति

एजेन्सी

एक पटक जेल गएपछि दाेहाेरयाएर जेल जाने काम सकेसम्म मान्छेले गर्दैन । जेलमा जान नपरोस् वा चाँडै छुटोस् भनेर मान्छेहरू अनेक दाउपेच गर्छन् । तर अमेरिकामा एक जना यस्ता मान्छे थिए जो एक दुई पटक होइन सयौँ पटक जेल गएका थिए । उनी अमेरिकाको केन्टकीको लेग्जिन्टनमा बस्ने हेनरी अर्ल थिए । गएको महिना उनको मृत्यु भएको छ ।

अर्ल अधिकांश समय रक्सीको नशा हो–हल्ला गरेको आरोपमा समातिएका थिए । सन् १९९२ यता अर्ल १ हजार ३०० पटक जेलमा गएका छन् । त्यस अघिको जेल सजाय डकुमेन्टेड नभएको बताइएको छ । 

अनडकुमेन्डसमेत गर्दा उनी १ हजार ५०० पटक भन्दा बढी पक्राउ परेको बताइएको छ । यस अवधिमा उनी ६ हजारभन्दा धेरै दिन जेलमा बसेका थिए ।

उनी  पहिलो पटक सन् १९७० को जुलाईमा २० वर्षको उमेरमा अवैध हतियार बोकेको आरोपमा समातिएका थिए । सबैभन्दा पछिल्लो पटक भने उनी सन् २०१७ को अप्रिलमा रक्सी खाएर सार्वजनिक स्थलमा होहल्ला गरेको आरोपमा समातिएका थिए । जीवनको अन्तिम समय अर्लले हेल्थ सेन्टरमा बिताएका थिए ।



प्रतिक्रिया