मनोरञ्जन ११ श्रावण २०८०

२५ करोडमा नेपालगञ्जमा खुल्यो नयाँ हल ‘सिने रोयल’

काठमाडौंँ । आज बिहीबारबाट नेपालगञ्जमा नयाँ फिल्म हल ‘सिने रोयल’ सञ्चालनमा आएको छ । डा.राहुल थापा र अरुण रिजालको टिमले यो हल सञ्चालनमा ल्याएका हुन् ।

करिब २५ करोडको लगानीमा निर्माण भएको हलमा अत्याधुनिक सुविधा सम्पन ३ वटा पर्दा रहेको छ । हलमा पार्किङदेखि रेष्टुरेन्टसम्मको सबै सुबिधा रहेको छ ।

हलमा नेपाली तथा विदेशी सबै प्रकारका फिल्म प्रदर्शन हुनेछ । नेपाली फिल्मलाई प्रदर्शनमा अन्य फिल्मभन्दा प्रथामिकता दिने सञ्चालक डा.राहुल थापाले बताए ।