• कला/ साहित्य

    कबिता: मेरो देश

     

    शिर्षक : मेरो देश

    शान्त सुन्दर हराभरा , मेरो देश आहा ।
    नेपाली भै बाच्न पाउ , हामी पुग्छौ जहाँ ।।                               बुद्ध जन्मे , सीता जन्मिन – भृकुटीको देश ।
    संसारमै गौरब लाग्ने , हाम्रो भाषा-भेष ।।

    यहि माटोमा हासिखेली , बितायौ है यौवन ।
    डल्ला फोर्दै , सुन छर्दै बितेछ है जोवन ।।
    शान्त, सुन्दर , सस्कृती र मेलमिलापको बाटो ।
    रगतभन्दा प्यारो लाग्ने यहि देशको माटो ।।

    पर्वतमाला,हिमशिखरले बेरिएको देश ।
    अन्नपात र बनजङ्गलले घेरिएको देश ।।
    यश धर्तिको स्वर्गभनी , चिनिएको नाम ।
    सधैभरी यहि माटोको सेवा गर्न पाम ।।

    हिन्दु,बौद्ध ,किरातिको तपोभुमी नेपाल ।
    संसारमै सुन्दर छन् है, हाम्रा पहाड ,हिमाल ।।

    कवि: रबिन्द्र ढुङ्गाना                                                  गौरादह-०९, बैगुन्धुरा, झापा।

    प्रतिकृया दिनुहोस