• अर्थ

    बढ्यो ‘चेक बाउन्स’ उजुरी, ३ करोडसम्मका बाउन्स चेक

      पत्रपत्रिका



    काठमाडौं । लेनदेन तथा घरायसी व्यवहार मिलाउन प्रदान गरिने बैंक तथा वित्तीय संस्थाको ‘चेक’ ठगीजन्य अपराधका लागि महत्वपूर्ण प्रमाण बन्ने गरेको छ ।

    प्रहरीले चेक बाउन्स (अनादर) लाई बैंकिङ कसुर अन्तर्गत उच्च अदालतमा मुद्दा दर्ता गरी कानुनी कारबाही गरेसँगै तीन हजारदेखि तीन करोडसम्मका बाउन्स चेक बोकेर महानगरीय प्रहरी परिसर काठमाडौँमा उजुरी गर्न आउनेको सङ्ख्या बढेको छ ।

    ‘बिगतमा चेक बाउन्सको मुद्दालाई प्रहरीले घरायसी समस्याको रूपमा लिएर व्यावहारिक ढङ्गले छलफलबाट समाधान गर्दै आएको थियो,’ प्रहरी परिसर काठमाडौँका प्रहरी उपरीक्षक अशोक सिंहले थप्नुभयो, ‘अब त्यस्तो अवस्था नरहेपछि उजुरी गर्न आउनेको सङ्ख्या बढेको हो ।’

    बैंकिङ कसुर अन्तर्गत ठगी मुद्दा दर्ताका लागि ‘चेक बाउन्स’ बलियो प्रमाण बनेको छ । काठमाडौंँ उपत्यकामा हुने विभिन्न किसिमका ठगीजन्य अपराधमध्ये चेक बाउन्ससम्बद्ध ठगी मुद्दाको सङ्ख्या अधिक रहेको छ । यो खबर आजको गोरखापत्र दैनिकले छापेको छ ।


     

    प्रतिकृया दिनुहोस