• पत्र-पत्रिका

    मांसाहारीलाई आयो दु:खको खबर, सार्बजनिक कार्यक्रममा मासु प्रतिबन्ध

      पत्रपत्रिका


    रुकुम । जिल्लाको आठबीसकोट नगरपालिकाले सार्वजनिक कार्यक्रम सञ्चालनका लागि आचारसंहिता निर्माण गरेको छ । आचारसंहितामा सार्वजनिक कार्यक्रममा मासु प्रतिबन्ध लगाएको छ । सोमबारबाट आचारसंहिता लागु गराउँदै नगरपालिकाले वडा तथा नगरपालिकामातहतका विषयगत कार्यालय र शाखाबाट आयोजना हुने कार्यक्रममा मासु प्रतिबन्ध लगाएको हाे ।

     

    सरकारबाट विकासका लागि प्राप्त हुने बजेट फजुल रूपमा खर्च हुने क्रम बढेको भन्दै नगरपालिकाले सार्वजनिक कार्यक्रममा मासु प्रतिबन्ध लगाएको जनाएको छ । खाना तथा खाजामा मासुको प्रयोग बढ्दै गएपछि फजुल खर्च बढ्ने भएकाले प्रतिबन्ध लगाइएको निमित्त प्रमुख प्रशासकीय अधिकृत रामबहादुर केसीले जानकारी दिए ।

     

    ‘मासु खाँदा धेरै पैसा खर्च हुने गरेको छ, यसले आर्थिक व्ययभार मात्र थपेको छ,’ उनले भने, ‘फजुल खर्चलाई कटौती गरी जुन उद्देश्यका लागि रकम विनियोजन भएको हो, त्यसमै खर्च बढाउने उद्देश्यले सार्वजनिक कार्यक्रममा खाना र खाजामा मासुजन्य पदार्थको प्रयोगलाई रोक्ने निर्णय गरेका हौँ ।’ सरकारबाट आएको बजेटको दुरुपयोग हुने भएकाले यसको नियन्त्रण गर्ने उदेश्यका साथ यस्तो नियम ल्याउनु परेको उनले बताए । यो खबर आजको नयाँपत्रिका दैनिकलले छापेको छ ।


     

    प्रतिकृया दिनुहोस