• विदेश

    इजरायलका प्रधानमन्त्रीकी श्रीमतीले ढाँट्दा १५ हजार डलर फाईन तिरिन

      ओमकार


    एजेन्सी । इजरायलका प्रधानमन्त्री बेन्जामिन न्यातान्याहुकी श्रीमतीले कुक छैन भनेर ढाँट्दा १५ हजार डलर (नेपाली रूपैयाँ १६ लाख ५० हजार) तिर्नुपर्ने भएको छ ।

     

    प्रधानमन्त्रीको निवासमा कुक नभएको भनेर गलत जानकारी दिइ बाहिरको क्याटरिङ प्रयोग गरेको भन्दै ढाँटेपछि १५ हजार डलर जरिवाना तिर्नुपने भएको हो ।प्रधानमन्त्री बेन्जामिनकी श्रीमती सारा न्यातान्याहुले ९९ हजार ३०० डलर दुरुपयोग गरेको जनाइएको छ । उनीमाथि कीर्ते काम गरेको र राज्यको कोषमा नोक्सान पुर्याएको भन्ने आरोप लागेको छ ।

     

    यस सम्बन्धी भएको सहमतिमा साराले राज्यलाई १२ हजार ४९० रकम तिर्नुपर्नेछ भने त्यसको जरिबानावापत थप २ हजार ७७७ डलर समेत बुझाउनुपर्नेछ ।

     

    उनका वकिलले यो मुद्धामा साराको कुनै भूमिका नभएको दाबी गर्दै गरेका छन् ।

    वकिलले प्रधानमन्त्री बेन्जामिनलाई गिराउने प्रयास भएको पनि बताएका छन् ।

     

    अभियोजक इरेज पदानले अभियोजनमा निकै सकारात्मक भूमिका खेलिएको र यसो गर्दा अदालतमा ८० जना साक्षीलाई लग्नु नपरेको साराले पनि बताएको जेरुसेलम पोस्टले जनाएको छ ।

     

    गएको वर्ष साराका वकिलले बाहिरबाट क्याटरिङ ल्याउने बारेमा सारा जानकार नभएको र घरकै व्यवस्थापकहरुले बनाएर पाहुनालाई दिने गरेको जनाएका थिए ।

     

    पत्नीमाथि लागेकोे अभियोगलाई प्रतिक्रिया दिँदै प्रधानमन्त्री न्यातान्याहुले एक वक्तव्य दिँदै भनेका छन्,‘‘सारा न्यातान्याहु एक बलियो र सम्मानित महिला हुन् ।उनको कार्यबाट कुनैपनि गल्ति भएको छैन ।”

     

    सन् २०१६मा एउटा अदालतले पहिलाको एक हाउसकिपरलाई साराले दुर्व्यहार गरेको भनेर ४७ हजार डलर दिलाई दिएको थियो । त्यतिबेला मेनी नाफताली नामका हाउसकिपरलाई साराले अपमान गर्नुका साथै गाली गलौज गरेको प्रमाणित भएको थियो ।

    प्रतिकृया दिनुहोस