• फिचर समाचार

    पृथ्वीनारायण शाह हिँडेको बाटोमा नेपाली सेनाको पदयात्रा

      ओमकार टाईम्स

    गोरखा । पृथ्वीजयन्ती तथा राष्ट्रिय एकता दिवसको अवसर पारेर नेपाली सेनाले गोरखादेखि काठमाडाैंसम्मको पदयात्रा शुरु गरेको छ । गोरखा दरबारको हनुमान भन्ज्याङबाट मंगलवार बिहान पदयात्राका सहभागी हिँडेका छन् ।

    पदयात्राका सहभागी सेना लाई पृतनापती उपरथी विनयविक्रम राणा र गोरखाका प्रमुख जिल्ला अधिकारी तिर्थराज भट्टराईले संयुक्त रुपमा टर्च, नेपालको झण्डा र नेपाल सेनाका प्रथम छ कम्पनी (श्रीनाथ, कालीबक्स, पुरानो गोरख, बर्द बहादुर र सबुज) झण्डा हस्तान्तरण गरेर शुभारम्भ गरेका छन् ।

    पदयात्रामा गोरखा स्थित रणसिंह दल गण, शार्दूलजंग गुल्मका सेनाहरु सहभागी छन । गुरुज्यूको पल्टन, ब्याण्ड सहितको टोली पृथ्वीनारायण शाहले नेपाल एकीकरणका क्रममा प्रयोग गरेका मार्ग गोरखाको दरबार जोर चौतारी, ताप्ले, अश्राङ, बोर्लाङ, बोर्लाङघाट बाट धादिङ , नुवाकोट हुँदै पुस २६ गते काठमाण्डौं पुग्ने नेपाली सेनाले जनाएको छ ।

    गत वर्षदेखि सेनाले यो पदयात्रा गर्दै आएको हो । नेपाली सेनाको स्थापना पृथ्वीनारायण शाहको नेपाल एकीकरणकै पालामा भएको हो ।

    प्रतिकृया दिनुहोस