• खेलकुद

    मेस्सीको गोलमा बार्सिलोनाको जीत

      ओमकार टाईम्स

    एजेन्सी । सुपरस्टार स्ट्राइकर लियोनल मेस्सीले २ गोल गरेपछि स्पेनिस ला लिगामा बार्सिलोनाले एथ्लेटिक विल्बाओलाई उसकै मैदानमा ३–२ गोलको पुनरागमन जित हासिल गरेको छ ।

    विल्बाओले खेलको तेस्रो मिनेटमै इनाकी विलियम्सको गोलमार्फत अग्रता लिएको थियो । त्यसको १० मिनेटपछि नै पेड्री गोन्जालेसले हेडमार्फत बार्सिलोनाका लागि बराबरी गोल फर्काए ।

    मेस्सीले ३८ औं मिनेटमा पेड्रीको ब्याकहिल र उनाइ सिमोनको छोटो पासको सदुपयोग गरी गोल गरे र पहिलो हाफमा २–१ को अग्रता दिलाए । ६२ औं मिनेटमा मेस्सीकै शशक्त प्रहार गोलमा परिणत हुँदा बार्सिलोनाले ३–१ को अग्रता बनायो । खेलको अन्तिम मिनेटमा विल्बाओका मुनिइनले २० यार्डबाट शानदार गोल गरे पनि जितका लागि पर्याप्त बनेन ।

    यो जितले रोनाल्ड कोम्यानको बार्सिलोनाले अंकतालिकामा रियल सोसिडाड र भिल्लारियललाई उछिन्दै तेस्रो स्थानमा पुगेको छ ।बार्सिलोनाको १७ खेलबाट ३१ अंक छ । दोस्रो स्थानको रियल मड्रिडको पनि समान खेलबाट ३६ अंक छ भने २ खेल कम खेलेको एट्लेटिको मड्रिड ३८ अंकसहित शीर्ष स्थानमा छ ।

    प्रतिकृया दिनुहोस