• देश

    मुद्दा मिलाइदिने भनी रकम माग्ने पक्राउ

      ओमकार टाईम्स

    काठमाडौँ। महानगरीय प्रहरी वृत्त थानकोटमा अनुसन्धानको क्रममा रहेको मुद्दा मिलाइदिन्छु भन्दै पीडित पक्षसँग ९० हजार रूपैयाँ मागेको अभियोगमा मकवानपुर टिष्टुङ पालुङ नगरपालिका–१२ घर भएका ३९ वर्षीय चन्द्र लामा भन्ने बुद्धिबहादुर घलानलाई बिहीबार बिहान प्रहरीले पक्राउ गरेको छ।

    महानगरीय अपराध महाशाखा तथा महानगरीय प्रहरी वृत्त थानकोटबाट खटिएको संयुक्त प्रहरी टोलीले उनलाई काठमाडौँ महानगरपालिका–१५ स्वयम्भूबाट पक्राउ गरेको हो।

    घलानउपर मुलुकी अपराध संहिता, २०७४ बमोजिम थप अनुसन्धान भइरहेको महानगरीय प्रहरी वृत्त थानकोटले जनाएको छ।

    प्रतिकृया दिनुहोस