• समाचार

    ललितपुरमा विद्यालयबाट घर फर्किँदै गरेकी बालिका बलात्कृत, एक जना पक्राउ

      ओमकार टाइम्स

    ललितपुरमा विद्यालयबाट फर्किँदै गरेकी एक बालिका बलात्कृत भएकी छिन । महानगरीय प्रहरी बृत्त चापागाउँका अनुसार ललितपुरको महांकाल गाउपालिका–४ कालेश्वर खन्तिडाँडामा विद्यालयबाट फर्किँदै गरेकी १३ वर्षीया बालिका बलात्कृत भएकी हुन् ।

    प्रहरीका अनुसार बुधबार दिउँसो ४ बजेतिर खन्तिडाँडास्थित नवोदय प्रावि पछाडि रहेको जंगलमा १३ वर्षीया बालिकामाथि जबर्जस्ती करणी भएको हो । विद्यालयबाट फर्किँदै गरेको अवस्थामा बालिकामाथि जबर्जस्ती करणी भएको भन्दै पीडित परिवारले उजुरी दिएका महानगरीय प्रहरी वृत्त चापागाउँका डीएसपी टेकबहादुर कार्कीले जानकारी दिए ।

    बलात्कारमा संलग्न रहेको आरोपमा एक जनालाई पक्राउ गरिएको डीएसपी कार्कीले जानकारी दिए । पक्राउ पर्नेमा पर्सा जिल्लाको पोखरिया नगरपालिका–८ घर भइ हाल ललितपुरको खन्तिडाँडामा बस्ने २१ वर्षीय राजकुमार ठाकुर छन् । ठाकुर बालिकामाथि बलात्कार भएपछि फरार थिए । उनलाई बिहीबार बिहान पक्राउ गरिएको प्रहरीले जानकारी दिएको छ ।

    पक्राउ परेका युवक पीडित बालिका अध्ययनरत विद्यालयको भवन निर्माणमा संलग्न कामदार हुन् । ठाकुरविरुद्ध जबर्जस्ती करणीको कसुरअन्तर्गत थप अनुसन्धान भइरहेको महानगरीय प्रहरी वृत्त चापागाउँका डीएसपी कार्कीले जानकारी दिए ।

    प्रतिकृया दिनुहोस