• विदेश

    भारतमा पहिलो पटक महिलालाई फाँसी दिन लागेका पवन जल्लाद यसो भन्छन्

      ओमकार टाइम्स

    उत्तर प्रदेशको अमरोहा जिल्लको बावनखेडी गाउँमा १५ अप्रिल २००८ मा भएको सात हत्याकी दोषी शबनम नामकी महिलालाई फाँसी दिइनेछ । सर्वोच्च अदालतपछि राष्ट्रपति भवनबाट पनि उनको दया याचिका खारेज भइसकेको छ । शबनमलाई फाँसी दिनका लागि मेरठका पवन जल्लाद तयार छन् । पवनका अनुसार उनी फाँसी दिन एकदम तयार भएको र आफू मिति र बोलावटको प्रतिक्षामा छन् ।

    वास्तवमा शबनमले आफ्ना प्रेमीसँग मिलेर आफ्नै परिवारका सातजना सदस्यको हत्या गरेकी थिइन् । अंग्रेजी र भूगोल विषयमा एमए अध्ययन गरेकी शबनमले आफ्ना आमाबुवा, भाइ बहिनीसमेत सातजनाको निकै क्रुरतापूर्वक हत्या गरेकी थिइन् । शबनमका आमाबुवा प्रेमीसँग उनको विवाह गरिदिन तयार थिएनन् । यत्ति कारण थियो कि शबनम र उनका प्रेमीले यस्तो भयानक घटना निम्त्याउने निर्णय गरे ।
    यो हत्याकाण्डमा दोषी शबनमलाई मृत्युदण्ड दिने बाटो खुल्ला भइसकेको छ । राष्ट्रपतिले पनि याचिका खारेज गरिसकेका छन् र उनको फाँसीको आदेश जुनसुकै बेला पनि जारी हुनसक्छ । पवनले मथुरा जेलमा फाँसी घरको निरिक्षण गरिसकेका छन् । पवनले नै निर्भया काण्डका दोषीलाई फाँसी दिएर रेकर्ड बनाएका थिए ।
    पवन जल्लादले एक भारतीय सञ्चार माध्यमसँगको कुराकानीमा भनेका छन्, ‘म पूर्ण रुपमा तयार छु । यदि मलाई बोलाइन्छ भने म बिल्कुल तयार छु । म एक वर्ष अघि मथुरास्थित फाँसी घर हेर्न गएको थिएँ । त्यसमा थोरै खराबी थियो, त्यो बनाउन पनि भनेको थिएँ । मलाई थाहा भए अनुसार भारतमा पहिलो पटक कुनै महिलालाई फाँसी दिइँदैछ ।’

    प्रतिकृया दिनुहोस