• अर्थ

    २ अर्ब लगानीको राष्ट्रिय खाद्य बैंकको औपचारिक उद्घाटन

      ओमकार टाइम्स

    पोसिलो आहारको लागि दिगो कृषि भन्ने नाराका साथ  स्थापना भएको राष्ट्रिय खाद्य बैकको औपचारिकरुपमा उद्घाटन भएको छ ।
    बैंकका कर्मचारी तथा सञ्चालकहरुको रोहबरमा केन्द्रीय कार्यालयको विधिवत (पूजा पाठ सहित) शुभारम्भ गरिएको बैकका अध्यक्ष शंकरनाथ उप्रेतीले बताए ।  २ अर्ब लगानीमा देशव्यापी रुपमा व्यवसायिक कृषि उत्पादन गर्ने, भण्डारण तथा बजारीकरण गर्ने लक्ष्य यस बैंकले लिएको छ ।

    बैकले कृषिमा परनिर्भरता घटाउने, कृषि उत्पादन बढाउने, रोजगारी बढाउने र अग्रानिक उत्पादनमा जोड दिएर जनस्वास्थ्यको विषयलाई सम्बोधन गर्ने उद्देश्य लिएको छ । हालसम्म  बैंकमा ५ सय ९० जना प्रमोटर शेयर सदस्य रहेका छन् । बैकले त्यसलाई बढाएर १ हजार जना प्रमोटर शेयर सदस्य बनाउने उद्घोष गरिसकेको छ । सरकारी मापदण्ड पूरा गरी केही वर्षभित्रै आइपिओमा जाने समेत बैंकको योजना रहेका छ ।
    शेयर सदस्य तथा सरोकारवालाहरु बढाउँदा बैकको उत्पादनको बजारीकरणलाई पनि सहज हुने भएकोले त्यसरी अघि बढ्न खोजिएको अध्यक्ष उप्रेतीले बताए ।

    बैंकले पहिलो चरणमा २३ वटा जिल्लामा यसै वर्षभित्र कृषि उत्पादनको काम थाल्ने प्रक्रिया सुरु गरिसकेको छ । बैंकले त्यसका लागि तराईका विभिन्न जिल्लाहरुमा करिव ६ सय बिघा जमिन लिजमा लिइसकेको छ ।

    प्रतिकृया दिनुहोस