• सम–सामयिक

    मदनको पुस्तक ‘थट्र्स अफ म्युजिङस्’ सार्वजनिक

      ओमकार टाइम्स

    काठमाडौं । कलाकार तथा लेखक मदन चित्रकारले ‘थट्र्स अफ म्युजिङस्’ नामक पुस्तक ल्याएका छन् । सिर्जना कलेज अफ फाइन आर्टस् लाजिम्पाटमा आयोजित कार्यक्रममा काठमाडौं महानगरपालिकाका प्रमुख विद्यासुन्दर शाक्यले पुस्तकको विमोचन गरे ।

    कार्यक्रममा विमोचन पछि बोल्दै शाक्यले कला र संस्कृतिले समाजलाई जीवन्त बनाउने बताए । उनले पूर्खाले दिएको संस्कृतिलाई जर्गेना गर्दै हामीले पनि अहिलेको परिवेशलाई कला र संस्कृतिमा उतार्नुपर्ने चुनौती रहेको जिकिर गरे ।

    पुस्तकमाथि टिप्पणी गर्दै सिद्धार्थ आर्ट ग्यालरीका सञ्चालक संगीता थापाले पुस्तकले नेपाली कलाका विविध आयामलाई खोतल्ने काम गरेको बताइन् ।

    त्यस्तै, पुनम आरएल राणाले पुस्तकमाथि टिप्पणी गर्दै नेपाली कला र कलाकारका बारेमा जानकारी लिनका लागि पुस्तक निकै उपयोगी रहेको धारणा व्यक्त गरिन् । उनले भनिन्, ‘पुस्तक निकै राम्रो छ । यसमा आर्टिस्टका बारेमा उल्लेख छ ।

    लेखक मदन चित्रकारले नेपालमा ललितकला वाङ्मयको अभाव रहेको बताए । उनले थोरै भए पनि नेपाली कला वाङ्मयलाई समृद्ध बनाउने ध्येय राखेर पुस्तक प्रकाशित गरेको सुनाए । उनले पुस्तकमा नेपालमा चलेका कलाका विभिन्न शैली र प्रचलित मान्यतालाई समेट्ने कोशिस गरेको जानकारी दिए ।

    अंग्रेजी भाषामा लेखिएको यस पुस्तकले नेपाली कलामा चलेका विविध शैली, आन्दोलन, विचार, परम्परा, कलाकार तथा तिनका कलाकृतिलाई बुझ्न सघाउँछ । पुस्तकमा नयाँ तथा पुराना पुस्ताका कलाकारका कलाकृति तथा तिनका बारेमा चर्चा पनि गरिएको छ ।

    प्रतिकृया दिनुहोस