• स्वास्थ

    कोरोनाबाट गण्डकीमा एकैदिन ४ जनाको मृत्यु

      ओमकार टाइम्स

    पोखरा । गण्डकी प्रदेशमा कोरोनाबाट आज एकैदिन ४ जनाको मृत्यु भएको छ । मृत्यु हुनेमा कास्कीका २, म्याग्दी र स्याङजाका १/१ जना छन् । योसँगै गण्डकीमा कोरोनाबाट मृत्यु हुनेको संख्या २ सय १५ पुगेको छ ।

    प्रदेश स्वास्थ्य निर्देशनालयका अनुसार कोरोनाबाट मृत्यु हुनेमा स्याङजा वालिङ नगरपालिकाका ५८ वर्षीय पुरुष छन् । उनको लुम्बिनी मेडिकल कलेज पाल्पामा उपचारका क्रममा सोमबार मृत्यु भएको निर्देशनालय निर्देशक डा. विनोदविन्दु शर्माले जानकारी दिए । उनलाई वैशाख ११ गतेमात्रै कोरोना संक्रमण पुष्टि भएको थियो ।

    त्यस्तै, कोरोनाकै कारण मृत्यु हुनेमा म्याग्दी, रघुगंगा गाउँपालिकाका ७८ वर्षीय पुरुष छन् । पोखरा मेडिप्लस अस्पतालमा उपचारका क्रममा सोमबार बिहान उनको मृत्यु भएको हो । उनलाई वैशाख १२ गते कोरोना संक्रमण पुष्टि भएको डा. शर्माले बताए ।

    कोरोनाबाट सोमबारमात्रै कास्कीका २ जनाको मृत्यु भएको छ । मृत्यु हुनेमा पोखरा २५ का ९१ वर्षीय पुरुष र पोखरा १ का ५५ वर्षीया महिला छन् ।गण्डकीमा वैशाखमा मात्रै ८ संक्रमितको मृत्यु भएको छ ।

    प्रतिकृया दिनुहोस