• राजनीति

    देउवा र प्रचण्डबीच भेट्वार्ता: संक्रमणकालिन मुद्दा टुंगाउनेबारे छलफल | OmkarTimes.com

      ओमकार


    काठमाडाैं। नेपाल कम्युनिष्ट पार्टी ¬(नेकपा) का अध्यक्ष पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवाबीच बिहीबार साँझ भेटवार्ता भएको छ ।

     

    ललितपुरको समिट होटलमा भएको भेटवार्तामा शान्ति प्रक्रियालाई निष्कर्षमा पुर्याउने विषयमा छलफल भएको  बताइएको छ ।

     

    केही दिन अघि बसेको नेकपाको सचिवालय बैठकमापनि संक्रमणकालिन मुद्दा टुंगाउनेबारे छलफल भएको थियो । सोही अनुसार नेकपाका अध्यक्ष पुष्पकमल दाहाल प्रचण्डले आज देउवासँग भेटवार्ता गरेका हुन् ।

     

    भेटमा शान्ति प्रक्रियाका वाँकी कामलाई टुंगोमा पुर्याउन उच्चस्तरीय राजनीतिक समझदारीका साथ अघि बढने कुरामा सकारात्मक छलफल भएको स्रोतले बतायो ।

     

    प्रचण्ड र प्रधानमन्त्री केपी शर्मा ओलीबीच बुधबार भएको छलफल अनुसार काँग्रेस सभापति देउवासँग प्रचण्डको छलफल भएको हो ।

    प्रतिकृया दिनुहोस