• सम–सामयिक

    पहिरोले सिद्धार्थ राजमार्गको ५० मिटर पक्की सडक बगायो

      ओमकार टाइम्स

    रुपन्देही । अविरल वर्षासँगै खसेको पहिरोले सिद्धार्थ राजमार्गअन्तर्गत पाल्पा–बुटवल सडकखण्डमा ५० मिटर पक्की सडक नै बगाएको छ ।

     

    पहिरोले पाल्पा-बुटवल सडकखण्डको तानसेन नगरपालिका-८, गौडेपुल नजिकै करिब ५० मिटर सडक बगाएको हो । पहिरो खसेपछि राजमार्ग नै बगाएको सडक डिभिजनका सूचना अधिकारी शिव खत्रीले जानकारी दिए ।

     

    डुम्रे खोलामा बहाव बढेको र माथिबाट खसेको पहिरोले राजमार्गको जगैबाट बगाएको छ । यही स्थानमा अघिल्लो वर्ष पहिरो खसेको खसेको थियो ।

     

    यो राजमार्ग मंगलबार बेलुकीदेखि नै अवरुद्ध भएको छ । सडकमा वर्षा नरोकिएकाले सडक डिभिजनले ठूला उपकरण लगाएर काम गर्न सकिएको छैन । मंगलबारदेखि राजमार्ग अवरुद्ध हुँदा मालवाहक सवारी साधनका चालक र सहचालक अलपत्र छन् ।

    प्रतिकृया दिनुहोस