• समाचार

    बाख्रा चराउन गएका २ बालिका नदीमा बगेर बेपत्ता

      ओमकार टाइम्स

    बिजुवार – माडी नदीमा बगेर दुई बालिका बेपत्ता भएका छन् । नदीमा बगेर बेपत्ता हुनेमा प्युठानको सरुमारानी गाउँपालिका वडा नम्बर ४ बैके निबासी बोमबहादुर थापा मगरकी छोरी आठ बर्षीया विपना थापा मगर र मान्द्रे निवासी नुमबहादुर थापा मर्साङी मगरको छोरी सात बर्षीया सर्मिला थापा मगर रहेको जिल्ला प्रहरी कार्यालय प्युठानका प्रबक्ता प्रहरी निरिक्षक देवीप्रसाद गैरेले जानकारी दिए ।

    सोमबार अपरान्ह ३ बजे पौडी खेल्नेक्रममा उनिहरु नदीमा बगेको जिल्ला प्रहरी कार्यालयले जनाएको छ । स्थानीयका अनुसार उनीहरु दुबै जना बाख्रा चराउन गएका थिए । घरबाट बाख्रा चराउन गएको र नदीमा पौडी खेल्ने क्रममा बगेर बेपत्ता भएको स्थानीयले जनाएका छन् ।नदीमा बेपत्ता भएका बालिकाको स्थानीय र सुरक्षाकर्मी मिलेर खोजी कार्य जारी राखेको प्रहरी निरीक्षक गैरेले जानकारी दिए ।

    प्रतिकृया दिनुहोस