• सम–सामयिक

    आज देशका अधिकांश स्थानमा बदली, चार प्रदेशमा भारी वर्षाको सम्भावना

      ओमकार टाइम्स


    काठमाडौँ : देशभर शुक्रबारको मौसममा सामान्य देखि पूर्ण बदली रहने जल तथा मौसम पूर्वानुमान महाशाखाले जनाएको छ । मुलुकका धेरै स्थानहरुमा हल्का देखि मध्यम वर्षाको सम्भावना रहेको मौसमविदले जानकारी दिएका छन्।

    प्रदेश १, बागमती, कर्णाली र सुदूरपश्चिम प्रदेशका एकदुई स्थानमा भारी वर्षाको सम्भावना रहेको छ। यस्तै शुक्रबार राति पनि देशभर सामान्य देखि पूर्ण बदली रही केही स्थानहरुमा हल्का देखि मध्यम वर्षाको सम्भावना रहेको छ।

    प्रदेश १, लुम्बिनी, कर्णाली र सुदूरपश्चिम प्रदेशका एकदुई स्थानमा राति पनि भारी वर्षाको सम्भावना रहेको छ। हाल नेपालमा मनसुनी वायुको प्रभाव रहेको महाशाखाले जनाएको छ।

    प्रदेश १, बागमती प्रदेश, लुम्बिनी प्रदेश र सुदूरपश्चिम प्रदेशका एक वा दुई स्थानमा भारी वर्षा भइ पहाडी भूभागमा भूक्षय, पहिरो तथा गेग्रान बहावको जोखिम हुने भएकोले सतर्क रहन महाशाखाले आग्रह गरेको छ।

    प्रतिकृया दिनुहोस