• राजनीति

    देश विकासका लागि युवा पुस्ता जाग्नुपर्ने :अर्थमन्त्री शर्मा

      ओमकार टाइम्स

    काठमाडौं । अर्थमन्त्री जनार्दन शर्माले देश विकासका लागि युवा पुस्ता जाग्नुपर्ने बताएका छन् ।

    बुधवार ज्ञानकुञ्ज एजुकेशन फाउण्डेशन प्रा.लि. भवनको शिलान्यास कार्यक्रममा अर्थमन्त्री शर्माले अबको १० वर्ष देश विकासका लागि युवा पुस्ता लागि परेमात्र देशले कोल्टो फेर्ने बताएका हुन् । उनले भने, ‘हाम्रो देशको विकास गर्नका लागि हामीसँग भएको पर्याप्त साधन, स्रोत, जनशक्ति अहिले जे छ, नेपाल युवा बहुल जनशक्तिमा छ, यो १० वर्षको अवधिमा हामीले यो देशलाई विकास गर्न सक्यौँ भने यो एउटा अवसर हो, यदि यो १० वर्षको अवधि प्रयोग गर्न सकेनौँ भने क्रमशः अहिलेको युवा, प्रौढ हुँदै, वृद्ध हुँदै बुढाहरुको बाहुल्य हुने अवस्था सिर्जना हुन्छ ।’

    अर्थमन्त्री शर्माले युवाले देखेको देशको विकास र समृद्धिमा भ्रष्टाचार, राजनैतिक समस्या भइरहेकोले युवाहरू निराश भएको र अब त्यस्तो नैराश्यता पैदा हुन नदिने आश्वासन दिए ।

    अर्थमन्त्री शर्माले संघीय लोकतान्त्रिक गणतन्त्र स्थापना गरेर अघि बढ्ने क्रममा राजनीतिले लय छोड्न थालेको बताए । देशमा उत्पादनमुखी अर्थतन्त्रको आवश्यक्ता रहेको भन्दै आफूसँग भएका स्रोत साधनलाई प्रयोग गरेर आत्मनिर्भर बन्न सकिनेमा उनको जोड थियो ।

    प्रतिकृया दिनुहोस