• स्वास्थ

    पछिल्लो २४ घण्टामा मुलुकमा १५ सय ५८ जनामा कोरोनाभाइरस संक्रमण पुष्टि

      ओमकार टाइम्स

    काठमाडौं । पछिल्लो २४ घण्टामा मुलुकमा १५ सय ५८ जनामा कोरोनाभाइरस संक्रमण पुष्टि भएको छ । १२ हजार ३८५ वटा नमूना (पीसीआर ८,६६५ र एन्टीजेन ३,७२०) परीक्षण गर्दा ती संक्रमित थपिएका हुन् ।

    स्वास्थ्य तथा जनसंख्या मन्त्रालयका अनुसार सोही अवधिमा १० जनाको मृत्यु भएको छ भने १३ सय ५१ जना डिस्चार्ज भएका छन् ।गत २४ घण्टामा ६० हजार १५९ जनाले कोभिड–१९ विरुद्धको खोप लगाएका छन् ।

    हालसम्म मुलुकमा २५ हजार ४९७ जना सक्रिय संक्रमित रहेको मन्त्रालयले जनाएको छ ।नेपालमा कूल ७ लाख भन्दा बढी कोरोनाभाइरस संक्रमित छन् भने ११ हजार १२ जनाले ज्यान गुमाएका छन् ।

    अहिलेसम्म आईसीयूमा ३८६ जना, भेन्टिलेटरमा ११७ जना, होम आइसोलेशनमा २३,९५० जना, संस्थागत आइसोलेशनमा १,५४७ र क्वारेन्टाइनमा २३६ जना रहेको तथ्यांकमा उल्लेख छ ।

    मन्त्रालयको अनुसार नेपालमा कोरोनाभाइरसको संक्रमणदर १२.५ प्रतिशत छ भने मृत्युदर १.५ प्रतिशत छ । मुलुकमा निको हुनेको दर ९५.३ प्रतिशत छ ।

    प्रतिकृया दिनुहोस