• विदेश

    ताइवानसँग शान्तिपूर्णरुपमै पुनःएकीकरण हुन्छ : चिनियाँ राष्ट्रपति सी

      ओमकार टाइम्स


    बेइजिङ । चिनियाँ राष्ट्रपति सी जिनपिङले ताइवानसँग शान्तिपूर्ण माध्यमबाट पुनःएकीकरण हुने प्रतिबद्धता जनाएका छन् ।

    दुई सातादेखि चीनले आफ्नो दावी गरिरहेको यो टापुमा चर्किएको तनाव र अन्तर्राष्ट्रिय समुदायको बढ्दो चासोका माझ राष्ट्रपति सीको यस्तो भनाइ आएको हो ।

    सन् १९११ को क्रान्तिको ११० औं वार्षिकी मनाउन ग्रेट हल अफ दी पिपुलमा आयोजित कार्यक्रमलाई सम्बोधन गर्दै राष्ट्रपति सीले उक्त कुरा बताएका हुन् । तर, सीको यस्तो भनाइ आएलगत्तै ताइवानले प्रतिक्रिया जनाउँदै आफ्नो भाग्यको निर्णय गर्ने अधिकार नागरिकमा रहेको जनाएको छ ।

    लोकतान्त्रिक विधिबाट शासन संचालन गर्दै आएको ताइवानमाथि चीनले सैनिक र राजनीतिक दबाब बढाउँदै लगेको छ । तर, ताइवानले चाहिँ आफूले चिनियाँ दबाबविरुद्ध प्रतिरक्षा गर्ने जनाएको छ ।

    चिनियाँ नागरिकसँग पृथकतावादको विरोध गर्ने गौरवपूर्ण परम्परा रहिआएको समेत राष्ट्रपति सीले बताए ।

    ‘ताइवानको पृथकतावाद मातृभूमिलाई पुनःएकीकरण गर्ने लक्ष्यको ठूलो अवरोध बनेको छ’ त्यहाँको अन्तिम वंशलाई हटाइएको सन् १९११ को आन्दोलनको वार्षिकी मनाउन आयोजित कार्यक्रममा उनले भने ।

    शान्तिपूर्ण पुनःएकीकरणको माध्यमबाट ताइवानी जनताको आकांक्षालाई पनि पुरा गर्न सकिने उनले बताए ।

    प्रतिकृया दिनुहोस