• मुख्य

    एमाले कर्णाली प्रदेश कमिटीको पहिलो बैठक आज, प्रदेश सम्मेलनको तयारीबारे निर्णय हुने

      ओमकार टाइम्स

    सुर्खेत । नेकपा एमाले कर्णाली प्रदेश कमिटीको पहिलो वैठक आज बस्ने भएको छ ।

    हिजो कर्णाली प्रदेशका इन्चार्ज यामाल कंडेलको प्रमुख आतिथ्यता रहेको केन्द्रीय सदस्यहरुको बैठकले प्रदेश सम्मेलनलाई ऐतिहासिक बनाउने गरी तयारी गर्ने निर्णय गरेको एमाले नेता गुलावजंग शाहले जानकारी दिए ।

    ‘माघ आठ गते आयोजना हुने प्रथम सम्मेलनलाई भव्य रुपमा सम्पन्न गर्नका लागि आवश्यक तयारी गर्न छलफल भएको छ,’ उनी भन्छन्, ‘सम्मेलन प्रतिनिधिमूलक हुने छ ।’

    सम्मेलनमा करिब सात सय जना सहभागी हुने उनले जानकारी दिए । त्यसबाहेक अन्य समसामयिक विषयमा आज बस्ने प्रदेश कमिटि वैठकले निर्णय गर्ने उनको भनाई छ ।

    प्रतिकृया दिनुहोस