काठमाडौं, माघ ९ । मोबाइल ग्यालरीबाट मोबाइल चोरी गर्ने प्रहरी हवल्दार होमबहादुर माल र जवान भरतबहादुर बुढाल निलम्बनमा परेको जिल्ला प्रहरी कार्यालय कैलालीले जनाएको छ ।
प्रहरीले उनीहरूविरुद्ध चोरीको मुद्धा दर्ता भएर पाँच दिनको म्याद थप भएको बताएको छ। पक्राउ परेकाहरू म्याद थप हुनेवित्तिकै स्वतः निलम्बनमा परेका हुन् ।
धनगढीको ट्राफिक चोकमा रहेको ग्लोबल मोबाइल ग्यालरीमा लागूऔषध कारोबार भइरहेको भन्ने सूचनाका आधारका पुगेका माल र बुढालले चोरी गरेको सीसी क्यामेराको भिडियो सार्वजनिक भएको थियो।
भिडियो सार्वजनिक भएपछि जिल्ला प्रहरी कार्यालय कैलालीले मुद्धा दर्ता गर्दै उनीहरूलाई हिरातसमा राखेर अनुसन्धान अगाडि बढाएको हो।
प्रतिकृया दिनुहोस