• खेलकुद

    भ्यालेन्सियासंग रियालको हार

      ओमकार

    एजेन्सी – स्पेनिस ला लिगा फुटबलमा रियाल म्याड्रिडले भ्यालेन्सियासँग हार बेहोेरेको छ । ला लिगा अन्तर्गत बुधबार राति भएको खेलमा रियाल म्याड्रिडले भ्यालेन्सियासँग २–१ को हार बेहोरेको हो ।

    घरेलु मैदानमा भ्यालेन्सियालाई जिताउन गोनकालो गुइडेस र इजिक्वेल गारेले गोल गरे । म्याड्रिडका करिम बेन्जेमाले एक गोल फर्काए । 

    खेलको ३५औं मिनेटमा गोनकालोको गोलमा रियाल खेलमा पछि परेको थियो । ८३औं मिनेटमा गारेले अर्काे गोल थपेपछि रियालको हार लगभग पक्का भैसकेको थियो ।

    खेलमा पछि परेपछि रियालले पटक–पटक आक्रमण बुनेपनि गोल गर्न निकै संघर्ष गर्नुपरेको थियो । इन्ज्युरी समयको थप गरिएको तेस्रो मिनेटमा बेन्जेमा गोल गरेपनि रियालको हार टार्न सकेन ।

    जिदान प्रशिक्षकमा नियुक्त भएपछि रियलको यो पहिलो हार हो ।

    हारसँगै रियालको ला लिगाको उपाधियात्रा निकै कमजोर बनेको छ । रियल शीर्षस्थानको बार्सिलोनाभन्दा १३ अंक तथा दोस्रो स्थानको एट्लेटिको मड्रिडभन्दा पाँच अंकले पछि छ । रियलको ३० खेलबाट ५७ अंक रहेको छ ।

    भ्यालेन्सिया ४६ अंक जोड्दै पाँचौ स्थानमा उक्लिएको छ ।

    प्रिमियर लिगको अन्य खेलहरुको नतिजा
    इवार विरुद्ध रायो भालेकानो (–१)
    हुसेका विरुद्ध सेल्टा डि भिगो (३–३)

    प्रतिकृया दिनुहोस

    प्रतिकृया दिनुहोस