• देश

    नयाँ शक्ति पार्टी काठमाडौंमा खोलिएका मःम पसल जस्तो होइन : बाबुराम भट्टराई

      तेजेन्द्र के.सि

     

    बुटवल । नयाँ शक्ति नेपाल पार्टीका संयोजक डा.बाबुराम भट्टराईले नयाँ शक्ति पार्टी काठमाडौमा खोलिएका मःम पसल जस्तो नभएको बताएका छन् । आज बुटवलमा आयोजित पत्रकार सम्मेनमा बोल्दै पूराना पार्टीहरु भन्दा नयाँ शक्ति पार्टी फरक रहेको उनले दाबी गरे ।

    उनले भने, ‘हामीलाई तपाईहरु काठमाडौमा खोलिएका १० वटा पसलमा अर्को थपिएर ११ औं बने जस्तो होइन । मःम पसल थपिए संस्था बढ्ने हो । तर टेस्ट पुरानै । हाम्रो पार्टी त्यो होइन । नयाँ टेस्टसहित हो ।’

    नयाँ शक्ति पार्टी विकुल्न नयाँ भएको दाबी गर्दे उनले विचार, संगठन र पुरानाभन्दा अलि फरक देश बनाउन आफूहरु लागिरहेको बताए ।

    उनले विश्वमा नयाँ विचारको बहस भएकाले हालै युरोप भम्रण सोही अध्ययन गर्दा नेपाललाई  नयाँ ढंगबाट लैजानको लागि नयाँ शक्तिको आवश्यकता रहेको समेच बताए ।

    सरकार पूर्ण रुपमा असफल
    फरक प्रसंगमा उनले दुई तिहाइको सरकारबाट जनताले आशा गर्ने कुनै ठाउँ नभएको पनि बताएका छन् । जनताको पक्षमा कुनै काम गर्न नसकेकाले यो सरकारबाट आशा गर्नु व्यर्थ हुने उनले दाबी गरे ।

    सरकार बनेको एक वर्षभन्दा बढी भइसक्दा समेत कुनै काम हुन नसकेको उनको भनाई छ । उनले सरकारले आफैँ नै वैदेशिक व्यापार घाटा, अन्तर्राष्ट्रिय लागानी सुधार गर्न नसकेको आरोप लगाए ।

    ‘अब यो सरकारबाट के आशा गर्ने,’ उनले थपे, ‘यो सरकारको काम देखेर राष्ट्रिय जनता पार्टी पनि सरकारबाट बाहिरियो । संघीय समाजवादी फोरम पनि त्यही बाटोमा छ । केही गर्छ कि भन्ने सबैको आशा सरकारले गलत साबित ग‍र्यो ।’

    संयोजक भट्टराईले विप्लव नेतृत्वको माओवादीले लिएको बाटो पनि सही नभएको बताए । उनले अब नेपालमा संघर्ष आवश्यक नभएको जिकिर गरे ।

    लगानी सम्मेलन आफैँ महादेव कस्ले देला वर 
    पूर्वअर्थमन्त्री समेत रहेको डा.बावुराम भट्टराईले हालै सरकाले गरेको लगानी सम्मेलन सफल नभएको बताए । उनले लगानी सम्मेलनमा बर्माका मन्त्री आएको प्रसङ्ग उल्लेख गर्दे बर्मा आफैँ त महादेव कले देला वर जस्तै भएको बताए ।

    उनले लागानी सम्मेलन सरकारले नितिगत रुपमा सुधार गर्ने वातारण नगरेका कारणले विदेशीहरुले पत्याउन कठिन भएको बताए । उनले भने, ‘नीतिगत रुपम सम्मेलन आयोजना गर्नु ठिकै हो । तर सरकारले आफैँले लागनीमैत्री वातावरण सिर्जना गर्ने काम नगरेका कारण विदेशीले पत्याएन् ।’

    उनले तारे होटलमा भात खुवाउँदै विदेशी लगानीकर्ताहरु नआउने जिकिर पनि गरे ।

     

    प्रतिकृया दिनुहोस