• अर्थ

    पूँजी बजारकाे सुधार माग गर्दै शेयर लगानीकर्ताहरुले गरे प्रदर्शन

      ओमकार टाइम्स

    काठमाडौं । पूँजी बजार सुधारको माग गर्दै आन्दोलनरत शेयर लगानीकर्ताहरुले शनिबार प्रदर्शन गरेका छन् ।
    पूँजी बजार सुधार संघर्ष समितिले आफूहरुले अघि सारेको माग तत्काल कार्यान्वयन गर्नुपर्ने भन्दै ललितपुरको खुलमटारस्थित धितोपत्र बोर्डको कार्यालय नजिकै र्यालीसहित प्रदर्शन गरेका हुन् ।

    प्रदर्शनमा सहभागीहरुले ‘पूँजी बजारको सुधार र विकास रोक्न पाइँदैन’, ‘नेप्सेको पुनर्संरचना गर’, ‘धित्तोपत्र बोर्डलाई स्वायत्त बनाऔं’लगायतका नारा लगाएका थिए ।

    पूँजी बजार सुधारको मागसहित लगानीकर्ता संघर्ष समितिका संयोजक तिलक कोइराला विगत ४ दिनदेखि आमरण अनसनमा छन् ।अनसनरत कोइरालाको स्वास्थ्य अवस्था कमजोर बन्दासमेत सरकारको ध्यान नगएको भन्दै उनीहरुले आक्रोश व्यक्त गरेका छन् ।

    प्रतिकृया दिनुहोस