• खेलकुद

    सेसर थप दुई वर्ष चेल्सीमै रहने

      ओमकार टाइम्स

    स्पेनीस खेलाडी सेसर एज्पिलिक्वेटाले इङ्ग्लिस क्लब चेल्सीसंग थप दुई वर्षको सम्झौता नवीकरण गरेका छन् । चेल्सीका कप्तान समेत रहेका एज्पिलिक्वेटाले सन् २०२४ सम्म क्लब रहने निर्णय गरेका हुन् ।

    राइट ब्याक एज्पिलिक्वेटा सन् २०१२ मा फ्रान्सेली क्लब मार्सलीबाट चेल्सीमा आएयता ४७६ खेलमा १७ गोल गरेका छन् । यस अघि उनी स्पेनिस महारथी बार्सिलोना जाने हल्ला चलेको थियो ।

    चेल्सी रहँदा उनले प्रिमियर लिग, एफए कप, लिग कप, च्याम्पियन्स लिग, युइएफए सुपर कप र फिफा क्लब विश्वकप उपाधि जितेका छन् ।

    प्रतिकृया दिनुहोस