• मुख्य

    परराष्ट्रमन्त्री नारायण खड्का चीन भ्रमणमा जाँदै

      ओमकार टाइम्स

    काठमाडौं ।  परराष्ट्रमन्त्री नारायण खड्का चीन भ्रमणमा जानुुहुने भएको छ । चिनियाँ विदेशमन्त्री वाङ यीको निमन्त्रणमा परराष्ट्रमन्त्री खड्का चीन भ्रमणमा जान लाग्नुभएको हो ।

    परराष्ट्र मन्त्रालयका अनुसार खड्काको भ्रमणतालिका साउन २४ देखि २६ गतेसम्म रहेको छ । साउन २५ गते चिङदाओमा प्रतिनिधिमण्डलस्तरीय द्विपक्षीय वार्ताको कार्यतालिका रहेको छ ।

    त्यस्तै मन्त्री खड्काको सम्मानमा चिनियाँ विदेशमन्त्री वाङ यीले भोजको आयोजनासमेत गर्नुहुने मन्त्रालयले जारी गरेको विज्ञप्तिमा उल्लेख छ । उहाँ साउन २६ गते स्वदेश फर्कने कार्यतालिका छ ।

    पछिल्ला ४ वर्षमा चीनबाट राष्ट्रपति सी चिनफिङसहितका ६ वटा शीर्ष नेतृत्वको भ्रमण भएका छन् । २०७८ चैत ११–१३ मा चिनियाँ विदेशमन्त्री वाङले नेपाल भ्रमण गर्नुभएको थियो ।

    उक्त भ्रमणमा नेपाल र चीनबीच १२ बुँदे सम्झौता भएको थियो । त्यसपछि हालै मात्र चिनियाँ कम्युनिस्ट पार्टीका विदेश विभाग प्रमुख लिउ जियानचाओले ४ दिने भ्रमण गर्नुभएको छ ।

    प्रतिकृया दिनुहोस