मुख्य समाचार
आजको मौसम : देशको पूर्वी भूभागमा मनसुनी प्रणालीको प्रभाव | आईसीसी टी–२० अलराउन्डर वरीयतामा दीपेन्द्रको छलाङ | किम जोङ उनले गरे युक्रेनमा रुसी आक्रमणको समर्थन | पुटिनको उत्तर कोरिया भ्रमणबारे के भन्छ चीन ? | सुदूरपश्चिममा डेंगु सङ्क्रमित बढ्दै | छाउगोठमा बसेकी एक किशोरीमाथि बलात्कार गरेको आरोपमा एक जना पक्राउ | कवाडी व्यवसायीलाई सांसद सिंहले भने- फोहोर काठमाडौं महानगर र बालेनको घरअगाडि थुपारौं | करेन्ट लागेर एक जनाकाे मृत्यु | प्रेममा परेकी हुन् अभिनेत्री श्रद्धा ? | जेलमा रहेको लरेन्स बिश्नोईले पाकिस्तानी ग्याङ्गस्टरलाई इदको बधाई दिएपछि भारतमा हङ्गामा |
मुख्य समाचार
आजको मौसम : देशको पूर्वी भूभागमा मनसुनी प्रणालीको प्रभाव | आईसीसी टी–२० अलराउन्डर वरीयतामा दीपेन्द्रको छलाङ | किम जोङ उनले गरे युक्रेनमा रुसी आक्रमणको समर्थन | पुटिनको उत्तर कोरिया भ्रमणबारे के भन्छ चीन ? | सुदूरपश्चिममा डेंगु सङ्क्रमित बढ्दै | छाउगोठमा बसेकी एक किशोरीमाथि बलात्कार गरेको आरोपमा एक जना पक्राउ | कवाडी व्यवसायीलाई सांसद सिंहले भने- फोहोर काठमाडौं महानगर र बालेनको घरअगाडि थुपारौं | करेन्ट लागेर एक जनाकाे मृत्यु | प्रेममा परेकी हुन् अभिनेत्री श्रद्धा ? | जेलमा रहेको लरेन्स बिश्नोईले पाकिस्तानी ग्याङ्गस्टरलाई इदको बधाई दिएपछि भारतमा हङ्गामा |

खेल २४ भाद्र २०८०
श्रीलंकासँगको हारपछि एसीसीविरुद्ध बंगलादेशी प्रशिक्षकको आक्रोश

एजेन्सी

काठमाडौँ । एसिया कप क्रिकेट प्रतियोगिताको ‘सुपर फोर’ चरणको खेलमा श्रीलंकाले बंगलादेशमाथि २१ रनको रोमाञ्चक जित हासिल गरेको छ । एकदिवसीय अन्तर्राष्ट्रिय क्रिकेटमा श्रीलंकाले हासिल गरेको यो लगातार १३औं जित हो । टस हारी पहिलो ब्याटिङको निम्तो पाएको श्रीलंकाले निर्धारित ओभरमा नौ विकेट गुमाएर दुई सय ५७ रन बनाएको थियो । जवाफी ब्याटिङमा ओर्लिएको बंगलादेशले ४८.१ ओभरमा अलआउट हुनुअघि दुई सय ३६ रनमात्र बनाउन सक्यो । 

बंगलादेशका लागि तोहिद हृदोयले ८२ रनको योगदान गरे पनि टोलीको जितका लागि त्यो पर्याप्त हुन सकेन । बंगलादेशका अन्य ब्याट्सम्यानले उल्लेख्य संख्यामा रन बटुल्न सकेनन् । श्रीलंकाली बलर महिस थिक्सना, दासुन सानका र माथिसा पाथिरानाले तीन—तीन विकेट लिए ।  त्यसअघि श्रीलंकाका लागि सादिरा सामराविक्रमाले टोलीका लागि ९३ रनको योगदान गरेका थिए । उनले केवल ७२ बलको सामना गरी दुई छक्का र आठ चौका हिर्काएका थिए । कुशल मेन्डिसले पनि ५० रन बनाएका थिए । ओपनर पाथुम निसानकाले ४० रन जोडेका थिए । बंगलादेशी बलर तासकिन अहमद र हसन महमुदले तीन—तीन विकेट लिएका थिए । सोरिफुल इस्लामले पनि दुई विकेट लिए । 

यसैबीच, बंगलादेशी टोलीका प्रमुख प्रशिक्षक चन्डिका हाथुरुसिङ्घेले एसियाली क्रिकेट काउन्सिल (एसीसी) को निणर्यमाथि आक्रोश ब्यक्त गरेका छन् । एसीसीले एसिया कपमा भारत र पाकिस्तानबीचको खेल वर्षाका कारण रद्द भए त्यो खेल अर्को दिन खेलाउने भनि ‘रिजर्भ डे’ को ब्यवस्था गरेको छ ।  तर, अन्य टोलीको खेल वर्षाका कारण रद्द भए ‘रिजर्भ डे’ को ब्यवस्था गरिएको छैन । एसीसीको सोही निणर्यलाई लिएर बंगलादेश टोलीका प्रशिक्षकले आक्रोश ब्यक्त गरेका हुन् । एसिया कपका बाँकी सबै खेल कोलम्बोमा खेलाइँदै छ । त्यसैले अन्य खेल पनि वर्षाका कारण प्रभावित हुने सम्भावना छ । 

त्यसैले अन्य खेल वर्षाबाट प्रभावित भए पनि ‘रिजर्भ डे’ को ब्यवस्था हुनुपर्ने माग उनले गरेका छन् । यसका अतिरिक्त श्रीलंकाली टोलीका प्रमुख प्रशिक्षक क्रिस सिल्भरउडले पनि एसीसीको उक्त निणर्यको विरोध गरेका छन् । उनले एसीसीले प्रतियोगितामा सहभागी सबै टोलीलाई समान ब्यवहार गर्नुपर्ने धारणा प्रशिक्षकद्वयले ब्यक्त गरेका छन् ।




प्रतिक्रिया