दमक / धरानमा सिटि सफारीको ठक्करबाट एक पैदैलयात्री पुरुषको मृत्यु भएको छ ।फाल्गुन २ गते शुक्रबार सुनसरीको धरान-१८ स्थित दिउँसो १०:३० बजेतिर प्र.१-०२-००३ ह ८७२९ नम्बरको सिटी सफारी आफै अनियन्त्रित भई पैदलयात्री पुरुषलाई ठक्कर दिंदा मृत्यु भएको हो ।
मृत्यु हुने धरान-१६ का ५९ बर्षीय सुवास खड्का रहेका छन्।सिटिसफारीले ठक्कर दिई दुर्घटनामा घाईते भएका खड्कालाई उपचारको क्रममा धरान घोपामा मृत्यु भएको हो । घटनामा संलग्न ठक्कर दिने सिटीसफारी चालक संखुवासभा घर भई हाल धरान-९ स्थित बस्दै आएका २१ बर्षीय किरण खड्कालाई इलाका प्रहरी कार्यालय धरानले नियन्त्रणमा लिई घटनासम्बन्धि थपअनुसन्धान कार्य अगाडी बढाएको प्रहरीले जानकारी दिएका छन् ।
