झापा । नेपाली कांग्रेसका महा समिति सदस्य तथा भद्रपुर नगरपालिकाका पूर्व मेयर मारतेन्दु कुमार मल्लिक राप्रपामा प्रवेश गरेका छन् ।
कांग्रेस नेता कृष्ण सिटौलाको गृहनगर भद्रपुरमा २०४९ र २०५४ मा दुई पटक मेयर निर्वाचित भएका मल्लिक पछिल्लो समय कांग्रेस राजनीतिमा सक्रिय थिए ।
उनलाई राप्रपा अध्यक्ष राजेन्द्र लिङ्देनले बुधवार अबिर लगाएर गृह नगरमै राप्रपा प्रवेश गराएका हुन् । सो क्षेत्रमा गठबन्धनबाट सिटौला र एमालेको समर्थनमा लिङ्देनबीच चुनावी प्रतिस्पर्धा हुँदैछ ।
