कोरोना भाइरसको कारण ठूला र महत्त्वपूर्ण फुटबल लीगहरू विश्वभर प्रतिबन्धित थिए। यद्यपि अवस्था बिस्तारै सामान्य हुँदै गइरहेका छन्।
यसैबिच शुक्रबार फुटबल स्टार प्लेयर ५६ दिनपछि मैदानमा फर्किएका छन। मेस्सीको सम्पूर्ण टीमले पहिलो अभ्यास सत्र आफ्नै घरेलु मैदानमा गरेका छन ।
स्टार फुटबलर लियोनेल मेसी र उनको क्लब बार्सिलोनाका सबै खेलाडीहरूमा कोरोना भाइरस टेस्ट नकारात्मक पाईएको छ। यो संगै क्लबले प्रशिक्षण गर्न हरियो संकेत पनि पाएको छ। चोटका कारण टिम बाहिर रहेका एक बार्सिलोना खेलाडी डेम्बेले अन्य खेलाडीहरूसँग कोरोना टेस्ट गर्न पाएनन्।
कोरोनाको कारण लीग रोकिनुभन्दा पहिले बार्सिलोना लीगको अंकतालिकामा शीर्ष स्थानमा रहेको थियो । २७ खेलमा बार्सिलोनाको ५८ अंक रहेको छ । जबकि रियल म्याड्रिड ५६ अंकको साथ अंक तालिकाको दोस्रो स्थानमा रहेको छ ।
