एजेन्सी ।भारतले फिल्म विश्वविद्यालय खोल्ने भएको छ । प्रधानमन्त्री नरेन्द्र मोदीले शनिबार बेलुका बलिउडका चर्चित शीर्ष कलाकारहरूलाई डिनर भोज दिँदै फिल्म विश्वविद्यालय खोल्ने जानकारी दिएका हुन् ।
महात्मा गान्धीको १५० औं जन्मजयन्तीका अवसरमा मोदीको निवासमा सो कार्यक्रम आयोजना गरिएका थियो ।
कार्यक्रममा बलिउडका चर्चित कलाकारहरू शाहरूख खान, आमिर खान, कंगना रनौत, ज्याकलिन फर्नान्डिस, अक्षयकुमार, अजय देवगण, निर्देशक इम्तियाज अली, करण जोहर, एकता कपुर, अनुराग बसु, बोनी कपुरसहितका बलिउडकर्मी सहभागी भएका थिए ।
अभिनेता शाहरूख खानले एक तस्वीर ट्वीट गर्दै फिल्ममार्फत महात्मा गान्धीको विचारलाई विश्वव्यापीकरण गर्नसमेत मोदीले बलिउड कलाकारलाई आग्रह गरेको जानकारी गराएका छन् ।
भारतीय कलाकारले फिल्म विश्वविद्यालयलबारे कुरा निकै महत्वपूर्ण कुरा भएको भन्दै सामाजिक सञ्जालनमा फोटो सेयर गरेका छन् । प्रधानमन्त्री मोदीसँग आमिर खान र शाहरूख खान पनि सँगै देखिएका छन् ।
