दमक / रौतहटमा मोबाइल चार्ज गर्ने क्रममा करेन्ट लागेर गर्भवती महिलाको मृत्यु भएको छ।
मृत्यु हुनेमा राजपुर नगरपालिका-३ डमार पोखरीयाकी ३५ बर्षकी गुलनाज खातुन रहेको जिल्ला प्रहरी प्रवक्ता डीएसपी दीपक कुमार रायले बताएका छन्।
बिज्ञापन
बुधबार दिउँसो मोबाइल चार्ज गर्ने क्रममा खातुन लाई विद्युतीय करेन्ट लागेको थियो। करेन्ट लागेर गम्भीर घाइते भएकी खातुनलाई प्रादेशिक अस्पताल गौरमा उपचारको लागि लैजाँदा साँझ ५ बजे डाक्टरले मृत घोषणा गरेको प्रहरीले जनाएको छ। मृत्तक खातुन गर्भवती रहेको प्रादेशिक अस्पताल गौरका मेसु डाक्टर मुरारी ठाकुरले बताएका छन्
मृतकको शव पोष्टमार्टमका लागि प्रादेशिक अस्पताल गौरमा राखिएको तथा घटना बारे अनुसन्धान भइरहेको जिल्ला प्रहरी कार्यालय रौतहटले जनाएको छ
