कोरोना संक्रमणवाट बच्न पूर्व तयारीका लागि भन्दै सरकारले हिजो २५ जना भन्दा वढीको समूहमा भेला नहुन आह्वान गर्यो ।
सरकारले आह्वान गरेपनि ५९ सदस्यीय राष्ट्रियसभाको बैठक जारी छ । तर प्रतिनिधिसभा अन्तर्गतको एउटा विषयगत समितिले भने बैठकमा २५ भन्दा वढी सदस्य स्थगित भएको भन्दै बैठक स्थगित गरेको छ ।
कुनैवेला गणपुरक संख्या नपुगेर स्थगित हुने संसद र संसदीय समिति यतिवेला संख्या वढी भएको भन्दै धमाधम स्थगित हुन थालेका छन् ।
२५ जनाभन्दा बढी सहभागी भएको भन्दै आज राज्य व्यवस्था समितिको बैठक स्थगित भएको छ ।
तीन तहबीचको अन्तर सम्बन्ध व्यवस्थित गर्न बनेको विधेयकमाथि छलफल गर्न समितिको बैठक बोलाइएको थियो ।
केहीवरेको छलफल पछि कांग्रेस सांसद पुष्पा भुसाल, देवेन्द्रराज कँडेल, नेकपाका विन्दा पाण्डेलगायतले २५ जनाभन्दा बढी भेला नहुन सरकारको निर्देशन दिएको भन्दै बैठक स्थगित गर्नुपर्ने धारणा राखे ।
उनीहरुको यो धारणालगत्तै सभापतिले बैठक स्थगन गरिउको निर्णय सुनाए ।
