संवैधानिक इजलासमा आजबाट पुनः निरन्तर बहस
संसद विघटनविरुद्ध परेका रिटहरुमा आज (बुधबार)बाट पुनः बहस सुरु भएको छ । न्यायाधीश इन्द्रराज पाण्डेको निधनको शोकमा मंगलबार एक दिन स्थगित गरिएको बहस आजबाट पुनः सुरु भएको हो । संसद विघटनविरुद्ध सर्वोच्च अदालतमा १३ वटा मुद्दा परेका छन् । ती मुद्दामाथि माघ चार गतेदेखि निरन्तर बहस हुँदै आएको छ । हाल प्रधानमन्त्रीका निजी कानून व्यवसायीले सरकारी निर्णयको प्रतिरक्षामा बहस रिरहेका छन् । त्यसअघि रिट निवेदकका तर्फबाट ७० जनाभन्दा बढी वकिलले बहस गरेका थिए ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधि सभा विघटन गरेकी थिइन् । त्यसविरुद्ध परेका रिटमाथि सुनुवाइ गर्न प्रधान्यायाधीश चोलेन्द्र शमसेर जबराले आफ्नो नेतृत्वमा पाँच सदस्यीय संवैधानिक इजलास गठन गरेका छन् ।संवैधानिक इजलासमा प्रधानन्यायाधीश जबरासहित न्यायाधीशहरु विश्वम्भरप्रसाद श्रेष्ठ, सपना मल्ल प्रधान, तेजबहादुर केसी र अनिल कुमार सिन्हा छन् । दुवै पक्षको बहस सकिएपछि एमिकस क्युरीका सदस्ले आफ्नो राय दिने छ ।