१५ बैशाख । प्रभासस्थित लुम्बिनी मेडिकल कलेज टिचिङ हस्पिटलको ५ औं तलाबाट हाम फालेर एक व्यक्तिको मृत्यु भएको छ ।
जिल्ला प्रहरी कार्यालयका अनुसार रामपुर नगरपालिका –७ कठानका ४२ वर्षीय गंगा बहादुर सोमईको मृत्यु भएको हो ।
उनले मंगलबार राती अस्पतालको पाँचौ तल्लाबाट हाम फालेका थिए ।
उनलाई गत ९ बैशाखमा आफ्नो घर नजिकै सडकको नालीमा लडेको अवस्थामा स्थानीयले फेला पारेका थिए ।
घाइते अवस्थामा भेटिएका उनलाई उपचारका लागि तत्कालै रामपुर अस्पताल पुर्याइएको थियो । पछि आफन्तले थप उपचारका लागि आफ्न्तले प्रभाव ल्याएको बुझिएको छ ।
प्रहरीले पाँचौँ तल्लाबाट हाम फाल्दा सोमईको घटनास्थलमै मृत्यु भएको बताएको छ ।
जिल्ला प्रहरी कार्यालयका प्रहरी नायव उपरीक्षक बीरेन्द्र थापाले घटनाको विषयमा अनुसन्धान सुरु भएको बताए ।
उनको शवलाई अहिले पोष्टमार्टका लागि जिल्ला अस्पतालमा राखिएको छ ।
