रोल्पा नगरपालिका–६ दार्बाेटका ५६ वर्षीय पूर्णबहादुर बुढाको आफ्नै घरमा घाँटी काटिएको अवस्थामा शव फेला परेको जिल्ला प्रहरी कार्यालय रोल्पाका प्रहरी नायब उपरीक्षक नरेशराज सुवेदीले बताएका छन् । घरमा एक्लै रहेका बुढाको सोमबार बिहान ११ बजेसम्म ढोका नखुलेपछि ढोका फोरेर हर्दा हत्या भएको अवस्थामा पाइएको हो ।
घटना शङ्कास्पद भएकाले थप अनुसन्धानका लागि नेपालगञ्जबाट कुकुरसहितको टोली बोलाइएको रोल्पा प्रहरीले जनाएको छ । बुढा नेपाली काँग्रेसका क्रियाशील कार्यकर्ता भएको र गत साउन २३ गते सम्पन्न नेपाली काँग्रेसको वडा अधिवेशनबाट क्षेत्रिय प्रतिनिधिमा छनोट भएका थिए ।
बिज्ञापन
