गुन्डा नाइके दावा लामाका सहयोगी सत्यमान लामा पक्राउ परेका छन् । मादक पदार्थ सेवन गरी प्रहरीसँगै विवाद गरेपछि प्रहरीले उनलाई पक्राउ गरेको हो ।
बिज्ञापन
प्रहरी वृत महाराजगञ्जबाट खटिएको प्रहरी टोलीले उनलाई गएराती लाजिम्पाटबाट पक्राउ गरेको महानगरीय प्रहरी परिसरका प्रवक्ता डीएसपी होबिन्द्र बोगटीले जानकारी दिए । उनी काभ्रेली गुन्डा समूहका सदस्य हुन् । उनले होटल सांग्रिलाबाट मादक पदार्थ सेवन गरेर जाने क्रममा प्रहरीसँग विवाद गरेको बताइएको छ ।
यस अधि विभिन्न पटक पक्राउ परेर छुट्दै आएका लामामाथि एक व्यक्तिको २५ लाखको चेक लुटेको उजुरी प्रहरीमा परेको थियो ।
लामालाई हाल महानगरीय प्रहरी प्रहरी वृत्त महाराजगञ्जमा राखिएको छ ।
