‘ये रिश्ता क्या कहलाता हे’ जस्ता कार्यक्रममा काम गरिसकेकी टिभी नायिका मोहना कुमारी सिंहमा कोरोनाभाइरस संक्रमण पुष्टि भएको छ । उनका श्रीमान् सुयश रावत, ससुरा तथा क्याबिनेट मन्त्री सतपाल महाराज, सासु अमृता रावत, जेठानी आराध्या र उनका पाँच वर्षका छोरा पनि कोरोनाद्वारा संक्रमित छन् । मोहनाको घरमा काम गर्ने अन्य १७ कर्मचारीमा कोभिड–१९ परीक्षण पोजेटिभ आएको छ । सबै ऋषिकेशको एम्स अस्पतालमा भर्ना छन् ।

बिज्ञापन

देशभरका अनुयायीहरूको साथसाथै आध्यात्मिक नेता पनि रहेका सतपाल महाराज शुक्रबार मुख्यमन्त्री त्रिवेन्द्र सिंह रावतको अध्यक्षतामा राज्य मन्त्रिपरिषद्को बैठकमा उपस्थित थिए।

राज्यको स्वास्थ्य विभागका प्रवक्ता जे सी पाण्डेले भने बैठकमा उपस्थित सबै मन्त्रीहरुलाई अलग्गै राख्नु पर्छ।

राज्यका सहरी विकास मन्त्री मदन कौशिकले बैठकमा उपस्थित सबै क्याबिनेट सदस्यहरूले केन्द्रको निर्देशनमा स्वास्थ्य विभागले दिएको सल्लाह अनुसार काम गर्ने बताउनुभयो।

पाण्डेका अनुसार मन्त्रीकी श्रीमतीले शनिबार संक्रमणका लागि सकारात्मक परीक्षण गरेका थिए। उनका दुई छोरा, उनकी पत्नीहरू र डेढ वर्षका नाति र १ 17 अन्य व्यक्ति थिए।

सोसल मिडियामा पोखिन् पीडाः

मोहनाले सोसल मिडियामा आफ्नो पीडा बयान गर्दै लेखेकी छिन्, ‘सुत्न सकिरहेकी छैन । यो सुरुवाती दिन हामी सबैका लागि निकै कष्टकर छ । विशेषगरी हाम्रा बच्चा र वृद्ध–वृद्धाका लागि । तर यो सबै छिट्टै समाप्त होस् भनेर म प्रार्थना गरिरहेकी छु । हामी ठिक छौं ।’

मोहनाले थपिन्, ‘हामीसँग कसैसँग पनि असन्तुष्टि पोख्ने अधिकार छैन । किनभने यहाँ यस्ता थुप्रै मानिसहरु छन् जसले हामीभन्दा कति गुणा बढी सहनु परेको छ । तर म तपाईंमध्ये हरेकको सन्देश, प्रार्थना र तपाईंले पठाउनुभएको प्रेमका लागि आभारी छु । यसले हामीलाई ऊर्जाशील बनाइराख्छ । हामी सबै तपाईंहरुप्रति मनैदेखि आभारी छौं । तपाईंहरु सबैलाई धन्यवाद ।’

जेठाजुको रिपोर्ट नेगेटिभः

भारतीय मिडियासँगको कुराकानीमा उनले आफू ठिक भएको र उनको पूरा परिवार अस्पतालमा भर्ना भएको बताएकी छिन् । उनी भन्छिन्, ‘मेरो जेठाजुको रिपोर्ट नेगेटिभ आएको छ, तसर्थ उहाँ पूर्ण रुपमा ठिक हुनुहुन्छ । हामीमा मामुली लक्षण देखिएको छ र मलाई लाग्छ कि यो मौसममाभएको परिवर्तनका कारण पनि हुनसक्छ । यहाँ सबैभन्दा राम्रो कुरा त हामीमध्ये कसैमा पनि खासै ठूलो समस्या देखिएको छैन ।

सबैभन्दा पहिले सासुलाई देखियो कोरोनाः

भारतीय मिडियामा प्रकाशित समाचारलाई विश्वा गर्ने हो भने शनिबार मोहनाकी सासु अमृता रावतको कोरोना रिपोर्ट पोजेटिभ आएको थियो । त्यसपछि स्वास्थ्य विभागले घरमा भएको सबैको परीक्षण गरेको थियो । परिवारका सदस्य र सहयोगीको गरी जम्मा ४१ जनाको स्याम्पल टेस्ट गरिएको थियो जसमध्ये २२ जनाको पोजेटिभ देखियो ।