काठमाडौं : अर्थ मन्त्रालयको सचिवमा यसअघि राजश्व सचिवको रुपमा काम गर्दै आएका सचिव शिशिरकुमार ढुंगानालाई जिम्मेवारी दिईएको छ ।
गत मंगलबारको मन्त्रिपरिषदको बैठकले ढुंगानालाई अर्थसचिव बनाउने निर्णय गरेको हो। गत २२ माघमा अर्थसचिव राजन खनालले सेवा अवधि पूरा गरी अवकाश पाएसँगै रिक्त रहेको सचिव पदमा ढुंगानालाई जिम्मोवारी दिइएको हो ।
०७३ माघ २० मा सचिव बढुवा भएका ढुंगाना केही समय सुदूरपश्चिमाञ्चल विकास क्षेत्रको क्षेत्रीय प्रशासक भएर काम गरेका थिए । त्यसपछि राजस्व सचिवको जिम्मेवारी पाएका थिए । बीचमा फेरि १० महिना प्रधानमन्त्री तथा मन्त्रिपरिषद कार्यालयमा बसेर पुन राजश्व सचिव बन्न पुगेका थिए ढुंगानाले ०५४ सालमा शाखा अधिकृत तह उत्र्तीण गरेका हुन ।
ढुंगनाले दुईवर्ष तथ्यांकमा नायब सुब्बा भएर काम गरे । यस्तै शाखा अधिकृत भएको ६ वर्षमा ढुंगानाले उपसचिवको परीक्षा उत्तीर्ण गरे। २०६० साल भदौ १२ गते उपसचिव भएका ढुंगाना २०६३ साउन ८ गते अर्थ मन्त्रालय प्रवेश गरेका थिए।
ढुंगानाले २०६५ चैत १० गते सहसचिव पास गरे। सहसचिवको रुपमा उनको पहिलो पोष्टिङ आन्तरिक राजस्व कार्यालय क्षेत्र नं १ को प्रमुख भएक उनी त्यसपछि राजस्व अनुसन्धान विभागको उपमहानिर्देशक बनेका थिर्ए ।
त्रिभुवन अन्तर्राष्ट्रिय विमानस्थल भन्सार कार्यालयको प्रमुख हुँदै अर्थ मन्त्रालयको प्रशासन महाशाखा प्रमुख बनेका उनी आर्थिक नीति विश्लेषण महाशाखा हुँदै भन्सार विभागको महानिर्देशक समेत बनेर काम गरेका थिए ।
