इंग्लिस प्रिमियर लिग फुटबलमा एभर्टनलाई बर्नलीले ३-२ गोल अन्तरले हराएको छ ।
बुधबार राति भएको खेलको १२औँ मिनेटमा नाथन कोलिन्स र ५७ औँ मिनेटमा जे रोड्रिगेजले बर्नलीका लागि गोल गरेका थिए ।
बिज्ञापन
एभर्टनका लागि १८औँ र ४१ औँ मिनेटमा रिचार्लीसनले पेनाल्टीमार्फत गोल गरेका थिए ।
खेलको ८५औँ मिनेटमा म्याक्सवेल कर्नेटले गोल गर्दै बर्नलीलाई ३-२ को जित दिलाए ।
यो जितसँगै २९ खेलबाट २४ अंक जोडेको बर्नली १८ औँ स्थानमा छ भने एभर्टन २५ अंक जोडेर १७औँ स्थानमा रहेको छ ।
