प्रविधि हस्तान्तरण भन्दै बाग्मती सरकारले २७ पत्रकारलाई बाँड्यो ल्यापटप

काठमाडौं । बाग्मती प्रदेश सरकारले प्रविधि हस्तान्तरण भन्दै स्थानी २७ ‘पत्रकार’ लाई ल्यापटप बाँडेको छ । मुख्यमन्त्री राजेन्द्र पाण्डेकै पहलमा ५० हजार रुपैयाँ मूल्य पर्ने डेल कम्पनीको ल्यापटप वितरण गरिएको हो ।

नेपाल पत्रकार महासंघ धादिङ शाखाको सिफारिसका आधारमा पत्रकारहरुको नाम छनोट गरिएको थियो । २७ जनाको सूचीमा अन्य व्यवसाय गर्ने गैरपत्रकार पनि परेको भन्दै विवादसमेत उब्जिएको छ ।

नेपाल पत्रकार महासंघ धादिङ शाखा अध्यक्ष राजाराम शर्माले २७ थान ल्यापटप वितरण भएको स्वीकार गरे । ल्यापटप पाउनेहरु सबै खाँटी पत्रकार नै भएको उनको भनाइ छ ।